1 րոպեի ընթերցում
ԵՐԵՎԱՆ, 19 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի շախմատի տղամարդկանց հավաքականի անդամ Հրանտ Մելքումյանը շարունակում է հաջող ելույթները «Sitges» միջազգային մրցաշարում:
«Արմենպրես»-ի հաղորդմամբ`«Sitges» միջազգային մրցաշարում կայացել են 4-րդ տուրի պարտիաները: Այս տուրում Մելքումյանի մրցակիցը Արգենտինայի ներկայացուցիչ Ֆերնանդո Պերալտան էր, ում հայ գրոսմայստերը հաղթել է սպիտակ խաղաքարերով:
Այսօրվա դրությամբ 4 հնարավորից հավաքելով 4 միավոր՝ Մելքումյանը միանձնյա գլխավորում է մրցաշարային աղյուսակը:
4-րդ անգամ անցկացվող մրցաշարին մասնակցում են 43 երկրի 126 շախմատիստ, այդ թվում՝ 26 գրոսմայստեր: