Գիտնականները պատմել են տարեցների համար տեսախաղերի օգտակարության մասին
2 րոպեի ընթերցում
![Գիտնականները պատմել են տարեցների համար տեսախաղերի օգտակարության մասին](http://armenpress.am/resized/480/static/news/b/2017/12/915450.jpg)
Ավելի վաղ գիտնականներին հաջողվել Է ապացուցել, որ տեսախաղերի շնորհիվ երիտասարդների հիպոկամպում ավելանում Է գորշ նյութի քանակը: Նոր հետազոտությանը մասնակցել Է 55-ից մինչեւ 75 տարեկան 33 մարդ: Նրանց բաժանել են երեք խմբի՝ մի խումբը խաղացել Է Super Mario 64, մյուսը դաշնամուր նվագել Է սովորել, երրորդը չի ընդգրկվել որեւիցե ակտիվության մեջ: Նրանց նկատմամբ դիտարկումը շարունակվել Է վեց ամիս: Արդյունքները գնահատվել են ճանաչողական թեստերի եւ MPT-սքանավորման օգնությամբ:
Պարզվել Է, որ Super Mario 64 խաղացող մեծահասակների հիպոկամպում ավելացել Է գորշ նյութի քանակը: Բացի այդ, նրանց մոտ լավացել Է կարճաժամկետ հիշողությունը:
Նրանց մոտ, ովքեր դաշնամուր նվագել Էին սովորում, գորշ նյութի քանակն ավելացել Է դորսոլատերալ կեղեւում: Երրորդ խմբում գորշ նյութի քանակը բոլոր տեղամասերում կրճատվել Է:
Գիտնականների խոսքով՝ տեսախաղի շնորհիվ հիպոկամպն ստեղծում Է վիրտուալ աշխարհի ճանաչողական քարտեզ: Դա օգնում Է նվազեցնել գորշ նյութի կորստի սպառնալիքը, ինչը հաճախ Է պատահում տարեցների մոտ եւ հանգեցնում Է նեւրոլոգիական հիվանդությունների, մասնավորապես, Ալցհեյմերի հիվանդության, հաղորդել Է ՌԻԱ Նովոստին: