Ուինսթոն Չերչիլի ակնոցը գրեթե 10 հազար դոլարով վաճառվել Է աճուրդում
1 րոպեի ընթերցում
![Ուինսթոն Չերչիլի ակնոցը գրեթե 10 հազար դոլարով վաճառվել Է աճուրդում](http://armenpress.am/resized/480/static/news/b/2017/12/915210.jpg)
ԵՐԵՎԱՆ, 7 ԴԵԿՏԵՄԲԵՐԻ, ԱՐՄԵՆՊՐԵՍ: Մեծ Բրիտանիայի նախկին վարչապետ Ուինսթոն Չերչիլին (1874 – 1965) պատկանող ընթերցանության ակնոցը 7,3 հազար ֆունտով (9,8 հազար դոլարով) վաճառվել Է աճուրդով՝ գրեթե հինգ անգամ գերազանցելով գնահատման գինը: Այս մասին, ինչպես տեղեկացնում Է «Արմենպրես»-ը, հեռախոսով ՏԱՍՍ-ին հայտնել Է Catherine Southon Auctioneers & Valuers աճուրդային տան, որը դեկտեմբերի 6-ին անցկացրել Է աճուրդը, սեփականատեր Քեթրին Սաութոնը:
CW Dixey & Son ֆիրմայի արտադրության կլոր ակնոցի սկզբնական արժեքը կազմել Է հազարից մինչեւ 2 հազար ֆունտ:
Ինչպես պատմել են աճուրդի տանը, Չերչիլը մի քանի ակնոց Է ունեցել տարբեր կարիքների համար. մեկն ընթերցանության, մյուսները ճառեր արտասանելու համար: Ժամանակի ընթացքում դրանք դարձել են քաղաքական գործչի նույնպիսի անփոփոխ ատրիբուտն, ինչպիսիք Էին սիգարը կամ բոլորագլխարկը: