Բուժքույրը փախել է սեփական հարսանիքից հիվանդին ներարկում կատարելու համար
1 րոպեի ընթերցում
![Բուժքույրը փախել է սեփական հարսանիքից հիվանդին ներարկում կատարելու համար](http://armenpress.am/resized/480/static/news/b/2017/12/914663.jpg)
ԵՐԵՎԱՆ, 2 ԴԵԿՏԵՄԲԵՐԻ, ԱՐՄԵՆՊՐԵՍ: Մեքսիկացի բուժքույր Յազմին Դոմինգեսը լքել է սեփական հարսանիքը եւ շտապել հիվանդի տուն ներարկում կատարելու համար: «Արմենպրես»-ի հաղորդմամբ՝ այս մասին տեղեկացնում է «Life.ru»-ն: Նվիրված բուժքրոջ լուսանկարն անմիջապես տարածվել է համացանցում եւ արժանացել օգտատերերի հիացմունքին:
Պատմում են, որ հենց պսակադրության ժամանակ հարսնացուին զանգահարել է հիվանդներից մեկը եւ խնդրել հասնել օգնության: Բուժքույրը հայցել է ամուսնու եւ ներկաների ներողամտությունը եւ հեռացել, ապա վերադարձել է եւ միացել հյուրերին: