ԱԺ «Ծառուկյան» խմբակցությունը չի ցանկանում կիսել բյուջեի իրականացման քաղաքական պատասխանատվությունը
1 րոպեի ընթերցում
«ԵՐԵՎԱՆ, 16 ՆՈՅԵՄԲԵՐԻ, ԱՐՄԵՆՊՐԵՍ: Ազգային ժողովի «Ծառուկյան» խմբակցությունը դեմ կքվեարկի Հայաստանի Հանրապետության 2018թ. պետական բյուջեի նախագծին: «Արմենպրես»-ի հաղորդմամբ՝ խորհրդարանում ՀՀ 2018թ. պետական բյուջեի նախագծի քննարկմանն այս մասին հայտարարեց ՀՀ ԱԺ փոխնախագահ, «Ծառուկյան» խմբակցության պատգամավոր Միքայել Մելքումյանը:
«Ես պետք է ասեմ, որ պետական բյուջեի նախագծի հետ կապված բոլոր դիտարկումները, հիմնավորումները, որ հնչել են այս դահլիճում, «Ծառուկյան» դաշինքը, բնականաբար, չի կարող կիսել այս բյուջեի իրականացման քաղաքական պատասխանատվությունը, և մենք դեմ ենք քվեարկելու այս բյուջեին»,- նշեց Մելքումյանը: