Հայկ Մարտիրոսյանը կես միավորով է հետ մնում առաջատարից. աշխարհի առաջնություն  

ԵՐԵՎԱՆ, 16 ՆՈՅԵՄԲԵՐԻ, ԱՐՄԵՆՊՐԵՍ: Իտալական Տարվիզիո քաղաքում շարունակվում է շախմատի աշխարհի մինչև 20 տարեկանների առաջնությունը:

«Արմենպրես»-ի հաղորդմամբ` կայացել է 3-րդ տուրը: Հայաստանի ներկայացուցիչներից Մանուէլ Պետրոսյանը պարտվեց, իսկ Հայկ Մարտիրոսյանը պարտիան ավարտեց ոչ-ոքի: Միավորը կիսեց նաև Տիգրան Հարությունյանը:

Կանանց պայքարում Հայաստանի միակ ներկայացուցիչ Սիրանուշ Ղուկասյանը հաղթանակ տարավ:

Այս տուրից հետո Ղուկասյանը 22-րդ տեղում է:

Հայկ Մարտիրոսյանը առաջատարից հետ է մնում կես միավորով և ունի 2,5 միավոր: Մանուէլ Պետրոսյանն ունի 2 միավոր: