Ռեկորդային 34 մլն դոլարով վաճառվել Է երբեւԷ աճուրդի հանված ամենամեծ ադամանդը

ԵՐԵՎԱՆ, 15 ՆՈՅԵՄԲԵՐԻ, ԱՐՄԵՆՊՐԵՍ: Ժնեւի Christie՚s աճուրդում 34 միլիոն դոլարով վաճառվել Է աշխարհում աճուրդի հանված ադամանդներից խոշորագույնը: Այս մասին, ինչպես տեղեկացնում Է «Արմենպրես»-ը, հայտնել Է Agence France Presse-ը:

«Գրիզոնիոյի արվեստ» կոչվող շողակնի քաշը 163,4 կարատ Է: Այն ստացվել Է 404-կարատանոց ալմաստից, որն անցյալ տարի հայտնաբերվել Է Անգոլայում: Ալմաստը դարձել Է խոշորագույն բնակտորը, որը երբեւԷ արդյունահանվել Է այդ երկրում եւ 27-րդն՝ աշխարհում:

Քարի վրա երեք շաբաթ աշխատել Է 14 ակնագործներից բաղկացած խումբը, որոնք դրանից դոմինոյի քարի չափի ադամանդ են կերտել: Դրան կցվում Է մանյակ՝ ավելի փոքր չափերով զմրուխտներից եւ ադամանդներից:

Agence France Presse-ի տվյալներով՝ լոտի գինը դարձել Է ադամանդների համար համաշխարհային ռեկորդ՝ 34 միլիոն դոլար, որում ներառված Է միջնորդագինը, հաղորդել Է ՏԱՍՍ-ը: