1 րոպեի ընթերցում
ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Բարսելոնայում մեկնարկել է «Բարսելոնա Մասթերս» շրջանային մրցաշարը, որին մասնակցում է նաև Հայաստանը ներկայացնող Կարեն Գրիգորյանը:
«Արմենպրես»-ի հաղորդմամբ` այս մասին հայտնում է Հայաստանի շախմատի ֆեդերացիան: «Բարսելոնա Մասթերս» մրցաշարում կայացել են նախատեսված 9 տուրից հինգի պարտիաները, որոնց արդյունքում աղյուսակը 4 միավորով միանձնյա գլխավորում է միջազգային վարպետ Ասիս Իպոլիտոն: Գլեդուրա Բենջամինը 3.5 միավորով գտնվում է 2-րդ հորիզոնականում, իսկ Կարեն Գրիգորյանը 3 միավորով եզրափակում է լավագույն եռյակը:
Մրցաշարին մասնակցում են 10 շախմատիստ՝ 9 գրոսմայստեր և 1 միջազգային վարպետ: Մրցաշարը ՖԻԴԵ-ի մրցաշարերի դասակարգման 13-րդ կարգի է՝ 2563 միջին գործակցով: