Լիբանանի «Հոմենթմեն» բասկետբոլի տղաների թիմը հաղթել է արաբական լիգայում 

ԵՐԵՎԱՆ, 3 ՆՈՅԵՄԲԵՐԻ, ԱՐՄԵՆՊՐԵՍ: Լիբանանի հայկական «Հոմենթմեն» բասկետբոլի թիմը դարձել է արաբական լիգայի հաղթող: «Արմենպրես»-ի հաղորդմամբ` Բասկետբոլի տղամարդկանց արաբական լիգայի 30-րդ առաջնության եզրափակչում հայկական թիմը մրցում էր Մարոկկոն ներկայացնող «Սալա»-ի հետ: Մարոկկոն ներկայացնող ակումբի կազմում հանդես էին գալիս ազգային թիմի մի շարք բասկետբոլիստներ: Հայկական ակումբն առաջին քառորդն ավարտել է իր օգտին` 26:15 հաշվով: Լարված երկրորդ և երրորդ քառորդներից հետո «Հոմենթմեն»-ի տղամարդկանց թիմին հաջողվեց գերազանցել մրցակցին 99:98 հաշվով: Հանդիպման լավագույն բասկետբոլիստ ճանաչվեց Հայկ Գյոկչյանը:

Լիբանանի հայկական «Հոմենթմեն» ակումբը հիմնադրվել է 1924 թվականին և Լիբանանում համարվում է հնագույն ակումբներից մեկը: