1 րոպեի ընթերցում
ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: Գրոսմայստեր Արման Միքայելյանը շարունակում է հաջող ելույթները Սանկտ Պետերբուրգում տեղի ունեցող շախմատային մրցաշարում:
«Արմենպրես»-ի հաղորդմամբ` Միխայիլ Չիգորինի հուշամրցաշարում կայացել են 5-րդ տուրի պարտիաները: Այս տուրում Միքայելյանը հաղթել է ռուս գրոսմայստեր Վլադիմիր Պոնֆիլենոկին:
Հայաստանի մյուս ներկայացուցիչներից մրցակցին գերազանցել է Սարգիս Մկրտչյանը, պարտություն են կրել Վլադիմիր Պողոսյանը, Հայկ Երիցյանը, Արթուր Դավթյանը, իսկ Հովհաննես Հակոբյանը ոչ-ոքի է խաղացել:
Այս տուրից հետո Միքայելյանն ունի 4,5 միավոր և առաջատարների թվում է: