Վրաստանում մունիցիպալ ընտրությունների նախօրեին կրակել են իշխող կուսակցության թեկնածուի վրա

ԵՐԵՎԱՆ, 20 ՀՈԿՏԵՄԲԵՐԻ, ԱՐՄԵՆՊՐԵՍ: Վրաստանում անհայտ անձինք հոկտեմբերի 19-ի երեկոյան կրակել են մունիցիպալ ընտրություններում իշխող կուսակցության թեկնածու Ջեհյուն Չովդարովի վրա, վիրավորվել Է չորս մարդ, այդ թվում՝ Չովդարովը: Այդ մասին, ինչպես տեղեկացնում Է «Արմենպրես»-ը, պատահարի վայրից հայտնել են վրացական հեռուստաընկերությունները:

Նրանց տվյալներով՝ արտակարգ պատահարը տեղի Է ունեցել Մառնեուլի շրջանում: «Ջեհյուն Չովդարովը մեծամասնական թեկնածու Է «Վրացական երազանք»-ից, նրա վրա կրակել են հրազենից: Վիրավորվել Է չորս մարդ, նրանց բոլորին Էլ տեղափոխել են տեղի կլինիկա, տուժածներից մեկի վիճակը ծանր Է»,- նշել Է վրացական Առաջին ալիքը:

«Ռուսթավի 2» հեռուստաընկերությունը հայտնել Է, որ միջադեպի մանրամասներին ծանոթանալու համար Մառնեուլի Է ուղեւորվել երկրի ներքին գործերի նախարար Գեորգի Մղեբրիշվիլին:

Հոկտեմբերի 21-ին Վրաստանում անցկացվելու են տեղական ինքնակառավարման մարմինների ընտրություններ: Հանրապետության քաղաքացիները պետք Է ընտրեն 64 քաղաքների ու շրջանների ղեկավարների եւ տեղական ինքնակառավարման մարմինների՝ սակրեբուլոների անդամների, հաղորդել Է ՌԻԱ Նովոստին: