Ադրբեջանի ընդդիմադիր «Մուսավաթ» կուսակցության նախկին առաջնորդն իր թեկնածությունը առաջադրելու է 2018-ի նախագահական ընտրություններում
1 րոպեի ընթերցում
![Ադրբեջանի ընդդիմադիր «Մուսավաթ» կուսակցության նախկին առաջնորդն իր թեկնածությունը առաջադրելու է 2018-ի նախագահական ընտրություններում](http://armenpress.am/resized/480/static/news/b/2017/10/909506.jpg)
ԵՐԵՎԱՆ, 19 ՀՈԿՏԵՄԲԵՐԻ, ԱՐՄԵՆՊՐԵՍ: Ադրբեջանի ընդդիմադիր «Մուսավաթ» կուսակցության նախկին նախագահ Իսա Ղամբարը հայտարարել է, որ իր թեկնածությունն առաջադրելու է 2018-ին Ադրբեջանում կայանալիք նախագահական ընտրություններում:
Այս մասին, ինչպես հաղորդում է «Արմենպրես»-ը, հայտնում է ադրբեջանական azadliq.info-ն:
Լրատվամիջոցի փոխանցմամբ` Իսա Ղամբարից բացի 2018-ի նախագահական ընտրություններում իրենց թեկնածությունն առաջադրելու մասին հայտարարությամբ հանդես են եկել նաև Ադրբեջանի խորհրդարանի նախկին խոսնակ Ռասուլ Գուլևն ու խորհրդարանի նախկին պատգամավոր Հուսեյն Աբդուլլաևը: