Բաթումի լողափը տուժել Է ծովամրրիկից
1 րոպեի ընթերցում
![Բաթումի լողափը տուժել Է ծովամրրիկից](http://armenpress.am/resized/480/static/news/b/2017/10/909160.jpg)
ԵՐԵՎԱՆ, 17 ՀՈԿՏԵՄԲԵՐԻ, ԱՐՄԵՆՊՐԵՍ: Սեւ ծովում մոլեգնող ծովամրրիկի հետեւանքով տուժել են Բաթում առողջարանային քաղաքի լողափը եւ առափնյա գոտին: Sputnik-ի տեսանյութում ցուցադրված են տարերքի հետեւանքների կադրերը, տեղեկացնում Է «Արմենպրես»-ը:
Սեւ ծովում մոլեգնող ծովամրրիկի հետեւանքով, որի ուժը գերազանցում Է հինգ բալը, տուժել են Բաթումի լողափը եւ առափնյա գոտին: Հուժկու քամին, հորդառատ անձրեւը եւ հսկայական ալիքները վնաս են հասցրել լողափի սրճարաններին եւ մի շարք այլ օբյեկտների, որոնք տեղավորված են ափի անմիջական մերձակայքում:
Վերջին երկու օրերին անբարենպաստ եղանակ Է հաստատվել Վրաստանի գրեթե ամբողջ տարածքում: Հատկապես տուժել Է երկրի արեւմտյան մասը, որտեղ շարունակում են վերացնել տարերքի հետեւանքները: