388.37
Վրաստանի եւ ՌԴ-ի ներկայացուցիչների նոր հանդիպումը կկայանա նոյեմբերին Պրահայում
1 րոպեի ընթերցում
ԵՐԵՎԱՆ, 10 ՀՈԿՏԵՄԲԵՐԻ, ԱՐՄԵՆՊՐԵՍ: Վրաստանի վարչապետի՝ ՌԴ-ի հետ փոխհարաբերությունների հարցերով հատուկ ներկայացուցիչ Զուրաբ Աբաշիձեի եւ ՌԴ արտաքին գործերի փոխնախարար Գրիգորի Կարասինի միջեւ նոր հանդիպումը պլանավորվում Է անցկացնել այս տարվա նոյեմբերի կեսին Պրահայում: Այդ մասին, ինչպես տեղեկացնում Է «Արմենպրես»-ը, հոկտեմբերի 10-ին Թբիլիսիում ՏԱՍՍ-ին հայտնել Է Աբաշիձեն ինքը:
Նրա խոսքով՝ «նախնական պայմանավորվածություն կա այն բանի շուրջ, որ Պրահայում հերթական հանդիպումը կկայանա նոյեմբերի կեսին, այդ հանդիպման ստույգ ամսաթիվը իմ եւ Կարասինի կողմից կհամաձայնեցվի առաջիկա օրերին»:
Աբաշիձեն նշել Է, որ Պրահայի առաջիկա հանդիպմանը «քննարկվելու են առեւտրի, տնտեսության, տրանսպորտի, մշակույթի ոլորտներում երկու երկրների համագործակցության՝ վերջին ամիսներին կուտակված կոնկրետ գործնական հարցերը, հումանիտար խնդիրներ եւ ընթացիկ հարցեր»:
Բաժանորդագրվեք մեր ալիքին Telegram-ում
