368.59
Հայաստանն ու Հնդկաստանը կիրականացնեն ներդրումային ծրագրեր մի շարք ոլորտներում
2 րոպեի ընթերցում
ԵՐԵՎԱՆ, 28 ՍԵՊՏԵՄԲԵՐԻ, ԱՐՄԵՆՊՐԵՍ:Հայաստանի և Հնդկաստանի կառավարությունների միջև կկնքվի ներդրումների խրախուսման և փոխադարձ պաշտպանության մասին համաձայնագիր: Ինչպես փոխանցում է«Արմենպրես»-ը, կառավարությունը հավանություն տվեց համաձայնագրի կնքման առաջարկությանը: ՀՀ տնտեսական զարգացման և ներդրումների նախարարի տեղակալ Հովհաննես Ազիզյանը նշեց, որ այն հնարավորություն կընձեռի հավասարության և փոխշահավետության հիման վրա ստեղծել բարենպաստ պայմաններ երկու երկրների ներդրողների համար` նպաստելով երկու երկրներում գործարար նախաձեռնությունների խթանմանը: «Համաձայնագիրը յուրաքանչյուր կողմի ներդրողին երաշխավորում է լիակատար պաշտպանություն և ապահովագրություն, ինչպես նաև ներդրումների ընդունում` կողմի օրենսդրությանը համաձայն: Ակնկալվում են հայ-հնդկական ծրագրեր՝վերամշակող արդյունաբերության, ոսկերչության, տեքստիլի, տեղեկատվական տեխնոլոգիաների և այլ ոլորտներում»,- ասաց փոխնախարարը:
Նախագիծը ներառում է հոդվածներ` ներդրումների խրախուսման և պաշտպանության, վնասների փոխհատուցման, սեփականազրկման կամ օտարման խնդիրների կարգավորման և համապատասխան փոխհատուցումների, պայմանավորվող կողմերի միջև վեճերի կարգավորման և մի շարք այլ դրույթների վերաբերյալ:
Նախագծի առանձին հոդվածներով սահմանված են նաև համաձայնագրի ուժի մեջ մտնելու, տևողության և դադարեցման պայմանները, ինչպես նաև գործողության շրջանակները:
Բաժանորդագրվեք մեր ալիքին Telegram-ում