ՀՀ ֆինանսների նախարարը 2017թ. Հայաստանում 4.3 տոկոս տնտեսական աճ է ակնկալում

ԵՐԵՎԱՆ, 25 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանը 2017թ. արդյունքներով կարող է տարին փակել 4.3 իրական տնտեսական աճով: Սեպտեմբերի 25-ին կայացած ասուլիսի ընթացքում այս մասին ասաց ՀՀ ֆինանսների նախարար Վարդան Արամյանը:

«Մենք իրականում մի շարք մոդելներով և մեզ մոտ առկա գործիքակազմով վարժություններ իրականացրել ենք: Նաև մեր մասնագիտական գործիքակազմերը ցույց են տալիս, որ մենք տարվա վերջում ավելի բարձր տնտեսական աճ ենք ունենալու, քան նախանշված 3.2 տոկոսը»,- «Արմենպրես»-ի հաղորդմամբ՝ նշեց Արամյանը:

Նա հավելեց, որ, հաշվի առնելով արված վերլուծությունները և առկա զարգացումները, ակնկալվում է, որ տարվա վերջում երկիրը կունենա 4,3 տոկոս իրական տնտեսական աճ: