1 րոպեի ընթերցում
ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի շախմատի ակադեմիայում տեղի ունեցավ «Երևան օփեն» միջազգային մրցաշարի առաջին տուրը:
«Արմենպրես»-ի հաղորդմամբ` հաղթանակներ տոնեցին մրցաշարի ֆավորիտներից Հրանտ Մելքումյանը, Վլադիմիր Օնիշչուկը, Տիգրան Լ. Պետրոսյանը, Ռոբերտ Հովհաննիսյանը, Զավեն Անդրիասյանը, Արման Փաշիկյանը, Իվան Ռոզումը, Ալեքսեյ Ալեքսանդրովը, Արտաշես Մինասյանը, Սամվել Տեր-Սահակյանը, Հովհաննես Գաբուզյանը և Հայկ Մարտիրոսյանը:
Հաղթանակներով մեկնարկեցին նաև մրցաշարին մասնակցող Հայաստանի կանանց հավաքականի երեք անդամները՝ Լիլիթ Մկրտչյանը, Մարիա Կուրսովան և Մարիա Գևորգյանը:
Մեկնարկային տուրում գրանցվեցին որոշ անակնկալներ ևս. Մանուէլ Պետրոսյանը պարտվեց Էդուարդ Սայադյանին, պատանի շախմատիստ Արմեն Բարսեղյանը ոչ-ոքի խաղաց գրոսմայստեր Չանդա Սանդիփանի հետ, իսկ Մարիամ Ավետիսյանը միավորը կիսեց միջազգային վարպետ Ալեքսանդր Մոսկալենկոյի հետ: