ԿՀՎ-ն Սահակաշվիլիի օգնությամբ ֆուտբոլի 2018-ի աշխարհի առաջնությունը վիժեցնելու պլան Է իրագործում. Բուրջանաձե

ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Վրաստանի նախկին նախագահ Միխեիլ Սահակաշվիլին աշխատում Է Կենտրոնական հետախուզական վարչության «լրջագույն նախագծի» շրջանակներում, որը կոչված Է վիժեցնել 2018 թվականին Ռուսաստանում ֆուտբոլի աշխարհի առաջնության անցկացումը: Այդ մասին, ինչպես տեղեկացնում Է «Արմենպրես»-ը, սեպտեմբերի 18-ին «Նեզավիսիմայա գազետա»-ին տված հարցազրուցում ասել Է Վրաստանի խորհրդարանի նախկին նախագահ, «Ժողովրդավարական շարժում-Միասնական Վրաստան» կուսակցության առաջնորդ Նինո Բուրջանաձեն:

«Շատերն են այրվում ֆուտբոլի աշխարհի առաջնությունը Ռուսաստանից խլելու եւ ՌԴ նախագահի ընտրությունների վրա ազդելու ցանկությամբ եւ այդ ուժերին հարկավոր Է այնպես անել, որ Ուկրաինայում, Մոլդովայում, հնարավոր Է՝ Վրաստանում, Ռուսաստանը ծանր խնդիրներ ունենա: Սահակաշվիլին գերազանց թակնածու Է նման ծրագրի կատարման համար»,-հայտարարել Է Բուրջանաձեն:

Նա հավելել Է, թե չգիտի՝ կոնկրետ ինչ կարող Է անել Սահակաշվիլին: «Բայց եթե Ուկրաինայում իրադրությունը սրվի, ապակայունացնող գործընթացներ սկսվեն, ապա դա կանդրադառնա Ռուսաստանի վրա, որը հարկադրված կլինի ձեռնարկել պատասխան գործողություններ, դիվանագիտական քայլեր, ինչ-ինչ քաղաքական միջոցներ»,-նշել Է քաղաքական գործիչը: