Տարածաշրջանային

«Ազատություն» ռադիոկայանի ադրբեջանական ծառայությունը որոշել է դիմել ՄԻԵԴ

4 րոպեի ընթերցում

«Ազատություն» ռադիոկայանի ադրբեջանական ծառայությունը որոշել է դիմել ՄԻԵԴ

ԵՐԵՎԱՆ, 14 ՍԵՊՏԵՄԲԵՐԻ, ԱՐՄԵՆՊՐԵՍ: «Ազատություն» ռադիոկայանի ադրբեջանական ծառայությունը որոշել է Ադրբեջանական կառավարության դեմ հայց ներկայացնել Մարդու իրավունքների եվրոպական դատարան (ՄԻԵԴ):

Այս մասին, ինչպես հաղորդում է «Արմենպրես»-ը, հայտնում է ադրբեջանական «Թուրան» լրատվական գործակալությունը:

«Ազատության» հայցը կապված է լինելու շուրջ 3 տարի շարունակ Ադրբեջանի կառավարության կողմից ռադիոկայանի բնականոն աշխատանքներին խոչնդոտելու հետ:

«Մենք չկարողացանք հասնել նրան, որպեսզի վերացվեն Ադրբեջանի արդարադատության կողմից մեր դեմ հարուցված մեղադրանքները: Այդ մեղադրանքներն անհիմն են, և հաշվի առնելով, որ Մարդու իրավունքների եվրոպական դատարանն իրավասու է Ադրբեջանի վերաբերյալ վճիռներ կայացնել, որոշեցինք դիմել ՄԻԵԴ»,- նշել է ռադիոկայանի ներկայացուցիչ Թոմաս Կենտը:

Ադրբեջանի իրավապահ մարմինները 2014-ին կատարված ստուգումների արդյունքում «Ազատություն» ռադիոկայանի ադրբեջանական ծառայության նկատմամբ հարուցել էին մի շարք գործեր հարկային պարտականությունները պատշաճ չկատարելու մեղադրանքներով: «Ազատություն» ռադիոկայանը դրանից հետո բազմից հայտարարել է, որ այդ մեղադրանքներն անհիմն են:

«Ռադիոկայանը կիրառել է Ադրբեջանի արդարադատության համակարգում հնարավոր բոլոր ջանքերը, որպեսզի հանվեն այդ անհիմն մեղադրանքները, սակայն ապարդյուն. Ադրբեջանի կառավարությունը շարունակում է պահպանել դրանք»,- ասել է նա:

ՄԻԵԴ ներկայացվելիք հայցում բարձրացվելու են կառույցի իրավունքների ոտնահարման խնդիրները, որոնք ամրագրված են 6.1 «Արդար դատաքննության իրավունք» և 13-րդ «արդյունավետ իրավական միջոցների իրավունք» հոդվածներով:

Հարկային պարտականությունները պատշաճ չկատարելու անհիմն մեղադրանքներից բացի՝ Ադրբեջանի կառավարությունը 2017-ի գարնանը արգելափակել է «Ազատություն» ռադիոկայանի ինտերնետային կայքը:

Ռադիոկայանի կայքի առգելափակումը ադրբեջանական կառավարությունը հիմնավորել է ազգային անվտանգության դեմ ուղղված սպառնալիքների վերացմանն ուղղված գործողություններով և կայքում ծայրահեղական նյութերի հրապարակման հանգամանքով:

Ռադիոկայանը կայքի արգելափակման հետ կապված դիմել է դատարան, սակայն վարույթ դեռևս չի սկսվել:

Մարտի 27-ին azadliq.info լրատվական գործակալությունը հայտնել է, որ արգելափակվել են ադրբեջանական «Ազատություն» թերթի, «Ազատություն» ռադիոկայանի և meydan.tv-ի կայքերը:

Գործակալությունը նշել էր, որ այս կայքերն արգելափակվել են միայն Ադրբեջանի տարածքում, իսկ Ադրբեջանի սահմաններից դուրս օգտատերերը կարողանում են օգտվել կայքերից:

Ադրբեջանի իշխանությունները շարունակական հետապնդումների են ենթարկում, ինչպես ընդդիմադիր գործիչներին և լրագրողներին, այնպես էլ ընդդիմադիր գործունեություն ծավալող և իշխանությունների ապօրինությունները մերկածցնող ԶԼՄ-ներին, այդպիսով ցանկանալով երկրում լռեցնել այլակարծությունը և իշխանություններին հակասող ցանկացած կարծիք:

Հայաստանի տարածքի նկատմամբ Ադրբեջանի ցանկացած ոտնձգության դեպքում Արևմուտքը պետք է պատժամիջոցներ կիրառի. հարցազրույց շվեդ պատգամավորի հետ

Քաղաքականություն

Հայաստանի տարածքի նկատմամբ Ադրբեջանի ցանկացած ոտնձգության դեպքում Արևմուտքը պետք է պատժամիջոցներ կիրառի. հարցազրույց շվեդ պատգամավորի հետ

Ադրբեջանը Հայաստանին հրավիրել է COP 29 կլիմայական գագաթնաժողովին

Արտաքին քաղաքականություն

Ադրբեջանը Հայաստանին հրավիրել է COP 29 կլիմայական գագաթնաժողովին

Շահագործման է հանձնվել Չինաստան-Իրան-Եվրոպա երկաթուղային միջանցքի առաջին հերթը

Տարածաշրջանային

Շահագործման է հանձնվել Չինաստան-Իրան-Եվրոպա երկաթուղային միջանցքի առաջին հերթը

Ադրբեջանի ՊՆ հաղորդագրությունը չի համապատասխանում իրականությանը, ՀՀ ԶՈՒ-ն կրակ չի բացել սահմանագոտու արևելյան հատվածի ադրբեջանական դիրքերի ուղղությամբ. ՀՀ ՊՆ

Ադրբեջան

Ադրբեջանի ՊՆ հաղորդագրությունը չի համապատասխանում իրականությանը, ՀՀ ԶՈՒ-ն կրակ չի բացել սահմանագոտու արևելյան հատվածի ադրբեջանական դիրքերի ուղղությամբ. ՀՀ ՊՆ

Ինչպես միշտ, Ալիևի ռեժիմը փորձում է գլխիվայր շուռ տալ իրականությունը․ Բելգիայում և ԵՄ-ում ՀՀ դեսպան

Քաղաքականություն

Ինչպես միշտ, Ալիևի ռեժիմը փորձում է գլխիվայր շուռ տալ իրականությունը․ Բելգիայում և ԵՄ-ում ՀՀ դեսպան

Ադրբեջանը մերժել է Լոնդոնում Փաշինյան-Ալիև հանդիպում անցկացնելու՝ հայկական կողմի առաջարկը

Քաղաքականություն

Ադրբեջանը մերժել է Լոնդոնում Փաշինյան-Ալիև հանդիպում անցկացնելու՝ հայկական կողմի առաջարկը

Իրանը նպատակ ունի վերականգնել միջուկային գործարքը

Տարածաշրջանային

Իրանը նպատակ ունի վերականգնել միջուկային գործարքը

Կենտրոնական Ասիայի երկրների և Ադրբեջանի պաշտպանության նախարարները հետևել են Ղազախստանում անցկացվող զորավարժություններին

Ադրբեջան

Կենտրոնական Ասիայի երկրների և Ադրբեջանի պաշտպանության նախարարները հետևել են Ղազախստանում անցկացվող զորավարժություններին

Թեհրանում վերաբացվել է Ադրբեջանի դեսպանատունը

Տարածաշրջանային

Թեհրանում վերաբացվել է Ադրբեջանի դեսպանատունը

Երբ երկխոսում եք, կրակելու ժամանակ չունեք. Իրանը լավատես է ՀՀ-Ադրբեջան խաղաղության գործընթացի հարցում. ԻԻՀ դեսպան

Արտաքին քաղաքականություն

Երբ երկխոսում եք, կրակելու ժամանակ չունեք. Իրանը լավատես է ՀՀ-Ադրբեջան խաղաղության գործընթացի հարցում. ԻԻՀ դեսպան

Հայաստանի հետ սահմանի խզումը Իրանի համար կարմիր գիծ է. ԻԻՀ դեսպան Մեհդի Սոբհանի

Արտաքին քաղաքականություն

Հայաստանի հետ սահմանի խզումը Իրանի համար կարմիր գիծ է. ԻԻՀ դեսպան Մեհդի Սոբհանի

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում