Ադրբեջանը Վրաստանում կայանալիք զորավարժություններին չի մասնակցելու
1 րոպեի ընթերցում
![Ադրբեջանը Վրաստանում կայանալիք զորավարժություններին չի մասնակցելու](http://armenpress.am/resized/480/static/news/b/2017/07/900179.jpg)
ԵՐԵՎԱՆ, 28 ՀՈՒԼԻՍԻ, ԱՐՄԵՆՊՐԵՍ: Վրաստանում հաջորդ շաբաթ տեղի են ունենալու ՆԱՏՕ-ի զորավարժությունները, որոնց Ադրբեջանը չի մասնակցելու:
Այս մասին, ինչպես հաղորդում է «Արմենպրես»-ը, հայտնում է ադրբեջանական azadliq.info լրատվական գործակալությունը:
Զորավարժություններին մասնակցելու են Հայաստանի, ԱՄՆ-ի, Գերմանիայի, Թուրքիայի և Ուկրաինայի զորքերը, իսկ Ադրբեջանի ՊՆ-ն վերջին պահին անսպասելորեն հայտնել է, որ չի մասնակցելու:
Ադրբեջանական ԶԼՄ-ների հաղորդմամբ` զորավարժություններին մասնակցությունից հրաժարվելու պատճառները հայտնի չեն և դրա վերաբերյալ հնարավոր չի եղել պարզաբանումներ ստանալ, ոչ Ադրբեջանի պաշտպանության նախարարությունից, ոչ էլ` արտաքին գործերի նախարարությունից:
Ադրբեջանը չէր մասնակցել նաև վերջերս Ռումինիայում տեղի ունեցած ՆԱՏՕ-ի զորավարժություններին: