Բաքուն ռազմածովային միջազգային մրցույթ կանցկացնի

ԵՐԵՎԱՆ, 22 ՀՈՒԼԻՍԻ, ԱՐՄԵՆՊՐԵՍ: Կասպից ծովի Բաքվի հարակից հատվածում օգոստոսի 1-11-ը տեղի կունենա «Ծովային գավաթ 2017» միջազգային մրցույթը, որին մասնակցելու են Ռուսաստանի, Իրանի, Ղազախստանի և Ադրբեջանի ռազմանավերը:

Այս մասին, ինչպես հաղորդում է «Արմենպրես»-ը, հայտնում է Ադրբեջանի պաշտպանության նախարարությունը:

Մրցույթին մասնակցելու նպատակով հուլիսի 22-ին Բաքու են ժամանել Իրանի «Փեյքան» և «Ջովշան» ռազմածովային ուժերը և ղազախական «Ղազախստան», «Սարիարկա» հրթիռահրետանային նավերը: