1 րոպեի ընթերցում
ԵՐԵՎԱՆ, 12 ՀՈՒՆԻՍԻ, ԱՐՄԵՆՊՐԵՍ: Շախմատի Հայաստանի հավաքականի առաջատար Լևոն Արոնյանը ոչ-ոքի խաղաց Ստավանգերի մրցաշարի 5-րդ տուրում:
«Արմենպրես»-ի հաղորդմամբ՝ գերխոշոր մրցաշարի 5-րդ տուրում Արոնյանը սև խաղաքարերով մրցում էր Մաքսիմ Լագրավի հետ: Գրոսմայստերները պարտիայի 38-րդ քայլին համաձայնեցին կիսել միավորը:
Այժմ Արոնյանը 3-րդ տեղում է: Հաջորդ տուրում հայ շախմատիստի մրցակիցը Վլադիմիր Կրամնիկն է: