Երևանում ոստիկանությունը բերման է ենթարկել ավտոշարասյուններով ու զենքերով շրջող մի խումբ անձանց

ԵՐԵՎԱՆ, 9 ՀՈՒՆԻՍԻ, ԱՐՄԵՆՊՐԵՍ:Երևանում ոստիկանությունը հունիսի 8-ին բերման է ենթարկել մի խումբ անձանց, ում մեքենաների սրահներում հայտնաբերվել են զենքեր: Դրանց օրինականությունը ստուգվում է: Այս մասին «Արմենպրես»-ը տեղեկանում է ոստիկանության տարածած տեսանյութից:

Ոստիկանությունը կոչ է անում պահպանել համակեցության կանոնները եւ զերծ մնալ հանրության համար անհանդուրժելի թիկնազորներով եւ ավտոշարասյուններով շրջելու սովորույթից, քանի որ ցանկացած նման փորձ կասեցվելու է, hամակեցության կանոնները խախտողները չեն խուսափելու պատասխանատվությունից:

Տեսանյութում երևում է՝ ինչպես են իրավապահները, իրացնելով օպերատիվ տեղեկությունները, մեքենաներից հանում ուղևորներին, նրանց դեմքով դեպի գետին պառկեցնելով, բռնում թևերից ու բերման ենթարկում: