368.59
Աշոտ Ղուլյանը շնորհավորել է Հարավային Օսիայի Խորհրդարանի նորընտիր նախագահին
1 րոպեի ընթերցում
ԵՐԵՎԱՆ, 8 ՀՈՒՆԻՍԻ, ԱՐՄԵՆՊՐԵՍ: Արցախի Հանրապետության Ազգային ժողովի նախագահ Աշոտ Ղուլյանը շնորհավորել է Հարավային Օսիայի Խորհրդարանի նորընտիր նախագահ Պյոտր Գասիևին: Այս մասին «Արմենպրես»-ին տեղեկացրին Արցախի Հանրապետության Ազգային ժողովի մամուլի ծառայությունից:
Նամակում մասնավորապես ասված է.
«Հարգարժան պարոն Գասիև,
Արցախի Հանրապետության Ազգային ժողովի և անձամբ իմ անունից շնորհավորում եմ Ձեզ Հարավային Օսիայի Հանրապետության Խորհրդարանի Նախագահի պաշտոնում ընտրվելու կապակցությամբ:
Համոզված եմ, որ Ձեր գործունեությունը այդ բարձր պետական պաշտոնում կնպաստի Հարավային Օսիայի Հանրապետությունում ժողովրդավարության և օրենսդրական դաշտի առաջընթաց զարգացմանը, Հարավային Օսիայի Հանրապետութան և Արցախի Հանրապետության ժողովուրդների միջև բարեկամական հարաբերությունների պահպանմանն ու ամրապնդմանը»:
Բաժանորդագրվեք մեր ալիքին Telegram-ում