Լևոն Արոնյանը կմասնակցի Ստավանգերի մրցաշարին

ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: Հայաստանի շախմատի հավաքականի առաջատար Լևոն Արոնյանը կմասնակցի Ստավանգերի գերխոշոր մրցաշարին:

«Արմենպրես»-ի հաղորդմամբ` հունիսի 5-ին Նորվեգիայի Ստավանգեր քաղաքում կմեկնարկի համանուն մրցաշարը, որին կմասնակցեն Մագնուս Կարլսենը, Ուեսլի Սոն, Վլադիմիր Կրամնիկը, Ֆաբիանո Կարուանան, Մաքսիմ Վաշյե-Լագրավը, Լեւոն Արոնյանը, Հիկարու Նակամուրան, Վիշվանաթան Անանդը, Անիշ Գիրին, Սերգեյ Կարյակինը:

Մրցաշարը կեզրափակվի հունիսի 17-ին: Այն բաղկացած կլինի 9 տուրից: