Հայաստանում մսի արտադրությունն աճել է 5.6 տոկոսով

ԵՐԵՎԱՆ, 27 ՓԵՏՐՎԱՐԻ, ԱՐՄԵՆՊՐԵՍ: Հայաստանում 2016 թվականին արտադրվել է 82 հազար 918 տոննա միս: Ինչպես տեղեկացնում է «Արմենպրես»-ը` վկայակոչելով ՀՀ ազգային վիճակագրական ծառայության տվյալները, այս ցուցանիշը 2015 թվականի համեմատ ավելացել է 5.6 տոկոսով։

Միևնույն ժամանակ, մսամթերքի արտադրությունն աճել է 15.7%-ով և կազմել 6,936.7 տոննա, իսկ մսի կիսապատրաստուկների արտադրությունն աճել է 17.3%-ով և կազմել 494.6 տոննա։