368.59
Իրաքի վարչապետը խոհեմության կոչ է արել Թուրքիային
1 րոպեի ընթերցում
ԵՐԵՎԱՆ, 3 ՆՈՅԵՄԲԵՐԻ, ԱՐՄԵՆՊՐԵՍ: Իրաքի վարչապետ Հայդար ալ-Իբադին հայտարարել է, որ եթե Թուրքիայի զինված ուժերն առանց թույլտվություն ստանալու միջամտեն Մոսուլի ազատագրման գործողություններին, ապա դա իրաքյան կողմը կորակի որպես «հարձակում երկրի վրա»: Ինչպես հաղորդում է «Արմենպրես»-ը` վկայակոչելով «Միլլիեթ» պարբերականը, այս մասին Իբադին խոսել է Թելաֆեր շրջանից պատվիրակության ընդունելության ժամանակ:
«Թուրքիայի հետ դիվանագիտական ուղիներ բացեցինք և հարցը մեղմելու համար երկխոսություն սկսեցինք: Մինչև այս պահը մեծ ջանքեր գործադրեցինք Թուրքիայի հետ բախումը կանխելու համար: Սակայն անկեղծ կասեմ` եթե Թուրքիայի զինված ուժերն անխոհեմ կերպով մտնեն Իրաք, պատասխան կտան դրա համար: Իրաքցիները միասնական են և միասին կկանգնեն այդ հարձակման դեմ: Այս տարածքն ու ինքնիշխանությունը մերն է»,- ասել է Իրաքի վարչապետը:
Իբադին կոչ է արել Թուրքիային հարգել իր երկրի ինքնիշխանությունը և ժողովրդի կամքը` ասելով, որ ցանկացած հարձակում կհանդիպի ազգային դիմադրության:
Բաժանորդագրվեք մեր ալիքին Telegram-ում