Քաղաքաշինության կոմիտեն Առաջին տպարանի պայթեցման դեպքի առիթով տեսչական ստուգում է անցկացրել
1 րոպեի ընթերցում
ԵՐԵՎԱՆ, 2 ՆՈՅԵՄԲԵՐԻ, ԱՐՄԵՆՊՐԵՍ: ՀՀ կառավարությանն առընթեր քաղաքաշինության պետական կոմիտեի նախագահ Նարեկ Սարգսյանը ՀՀ վարչապետ Կարեն Կարապետյանի մոտ հոկտեմբերի 31-ին հրավիրված աշխատանքային խորհրդակցության ընթացքում վարչապետի հանձնարարությունը հիմք ընդունելով, քաղաքաշինության նախարարության աշխատակազմի քաղաքաշինական պետական տեսչության պետ Արամ Մելքոնյանին հանձնարարել է եռօրյա ժամկետում, սահմանված կարգով համապատասխան ստուգում իրականացնել Հանրապետության փողոց 65 հասցեում գտնվող շենքի քանդման (պայթեցման) աշխատանքների օրինականությունը ճշտելու նպատակով: Այս մասին «Արմենպրես»-ին տեղեկացրին ՀՀ ԿԱ քաղաքաշինության պետական կոմիտեի մամուլի ծառայությունից:
Կոմիտեի նախագահը հանձնարարել է նաև Հանրապետության 65 հասցեում գտնվող առաջին տպարանի՝ պայթեցման եղանակով քանդման ընթացքում թույլատրված խախտումների հայտնաբերման դեպքում համապատասխան անձանց նկատմամբ, սահմանված կարգով կիրառել վարչական պատասխանատվության միջոցներ: