368.53
Հայաստանում ռուսական բազայի վարորդները 100 և 300 կմ երթեր կիրականացնեն լեռնային ճանապարհներով
1 րոպեի ընթերցում
ԵՐԵՎԱՆ, 14 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանում տեղակայված Ռուսաստանի հարավային ռազմական օկրուգի (ՀՌՕ) բազայում ավտոմոբիլային տեխնիկայի վարորդների համար մեկնարկել են վերապատրաստման դասընթացներ: Ինչպես«Արմենպրես»-ին տեղեկացրին ՌԴ Հարավային ռազմական օկրուգի մամուլի ծառայությունից, ավելի քան 300 զինծառայողներ այդ դասերը կյուրացնեն մեկ ամսվա ընթացքում ծովի մակարդակից 1500-2000 մետր բարձրության վրա տեղակայված «Կամխուդ» և «Ալագյազ» բարձրադիր կրակադաշտերի մրցուղում:
Դասընթացներին ընդառաջ զինծառայողները ուսումնասիրել են բարձրադիր տեղանքներում վարելու առանձնահատկությունները, ավտոտեխնիկայի օգտագործման անվտանգության պահանջները, ինչպես նաև ԿամԱԶ, Ուրալ և ՈՒԱԶ մեքենաների բնութագրիչները:
Վերապատրաստման ընթացքում վարորդները կկատարեն 100 և 300 կիլոմետրանոց երթեր կոշտ տեղանքներով, մայրուղիներով և բնակավայրերի կից ճանապարհներով:
Բաժանորդագրվեք մեր ալիքին Telegram-ում