1 րոպեի ընթերցում
ԵՐԵՎԱՆ, 9 ՀՈՒՆԻՍԻ, ԱՐՄԵՆՊՐԵՍ: Ֆրանսիայի Սենատը (խորհրդարանի պալատը) ձայների ճնշող մեծամասնությամբ հավանություն է տվել այն բանաձեւին, որով կոչ է արվում մեղմացնել Ռուսաստանի դեմ սահմանված պատժամիջոցները, տեղեկացնում է «Արմենպրես»-ը՝ հղում անելով ՌԻԱ Նովոստիին:
«Կողմ» է քվեարկել 302 սենատոր, «դեմ»՝ 16-ը:
Փաստաթուղթը, որը խորհրդատվական բնույթ ունի, հորդորում է Ֆրանսիայի կառավարությանը՝ Եվրամիության ղեկավարության հետ պատժամիջոցների հարցը քննարկելիս պահանջել պատժիչ ռեժիմի աստիճանական մեղմացում՝ Ուկրաինայի վերաբերյալ Մինսկի համաձայնագրերի իրագործման ընթացքին համապատասխան, ինչպես նաեւ խորհրդարանականների դեմ անհատական պատժամիջոցների չեղարկում:
Փաստաթղթի հեղինակներն այն կարծիքին են, որ տնտեսական ոլորտում պատժամիջոցների աստիճանական մեղմացումը եւ քաղաքական ոլորտում դրանց վերանայումը կնպաստի Մինսկի համաձայնությունների կատարման հարցում առաջընթացի հասնելուն: