Կալիֆորնիայի Վենտուրա շրջանում Ցեղասպանության զոհերի հիշատակին արարողություն կկատարվի

ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: ԱՄՆ Կալիֆորնիա նահանգի Վենտուրա շրջանում ապրիլի 24-ին Հայոց ցեղասպանության զոհերի հիշատակի արարողություն տեղի կունենա Սուրբ Պատրիկ եկեղեցում: Ինչպես հաղորդում է «Արմենպրես»- ը, այս մասին տեղեկացնում է mpacorn.com-ը:

Եկեղեցական արարողությունից հետո կքննարկվի Անահիտ ՄըքՔինի «Հարյուր տարվա զբոսանք. Հայկական ոդիսականը» խորագրով գիրքը, որում հեղինակը ներկայացրել է իր պապի պատմությունը: Առաջին համաշխարհային պատերազմի տարիներին իրականացված Հայոց ցեղասպանության ժամանակ դեռահաս Ստեփան Միսկջյանը կորցրել է իր ընտանիքը: Տարիներ հետո միայն ընտանիքը գտել է Միսկջյանի`վաղուց անհետացած գրությունները: