2 րոպեի ընթերցում
ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: Նյու Յորքի Կոլումբյան համալսարանում ապրիլի 18-ին հայտարարվել են հոբելյանական 100-րդ Պուլիտցերյան մրցանակի հաղթողները: Այդ մասին, ինչպես տեղեկացնում Է «Արմենպրես»-ը, հաղորդվում Է մրցանակի պաշտոնական կայքում:
10 հազար դոլարի չափով մրցանակը հանձնվել Է 22 հաղթողների «ժուռնալիստիկայի եւ արվեստի բնագավառում առաջավոր փորձի» համար:
Ռուս ֆոտոլրագրող Սերգեյ Պոնոմարյովը մրցանակ Է ստացել Եվրոպայի ափ իջնող փախստականների լուսանկարի համար: Նաեւ Նորության լուսանկար անվանակարգում մրցանակներ են ստացել Մաուրիսիո Լիման, Թայլեր Հիքսը եւ Դենիել Էթերը:
Պուլիտցերյան մրցանակի կառավարիչ Մայք Փրայդը հայտարարել Է, որ հաղթողներն իրենց հաղթանակի մասին տեղեկացվել են փոստով, իսկ այնուհետեւ հեռագրով: Մրցանակի հանձնման արարողությունն ուղիղ եթերով հեռարձակվել Է Համացանցում:
Այս տարի կազմակերպությունն ստացել Է ընդամենն ավելի քան 3000 հայտ բոլոր կատեգորիաներով:
«Պետական ծառայություն» կատեգորիայում գլխավոր մրցանակն ստացել Է The Associated Press գործակալությունը ձկնարդյունաբերության բնագավառում ստրկության դեպքերի հետաքննության համար:
Իրադարձությունների վայրից լավագույն աշխատանքի համար պարգեւատրվել Է The Los Angeles Times թերթը Սան Բեռնարդինոյի հրաձգության լուսաբանման համար:
Tampa Bay Times-ի եւ Sarasota Herald Tribune-ի երեք լրագրողներ մրցանակ են ստացել Ֆլորիդայի հոգեբուժական հիվանդանոցներում չարաշահումների հետաքննության համար:
Հաղթողների ամբողջական ցուցակը հրապարակված Է մրցանակի կայքում:
Պուլիտցերյան մրցանակն ԱՄՆ-ի առավել հեղինակավոր պարգեւներից մեկն Է գրականության եւ ժուռնալիստիկայի բնագավառում: 1917 թականին այն սահմանել Է հրատարակիչ Ջոն Պուլիտցերը, հաղորդել Է «Ինտերֆաքս»-ը: