Քիմ Քարդաշյանը եւ Քանիե Ուեսթը խիստ բարկացրել են հարեւաններին

ԵՐԵՎԱՆ, 6 ԱՊՐԻԼԻ, ԱՐՄԵՆՊՐԵՍ: Նորաբնակներ Քիմ Քարդաշյանը եւ նրա ամուսինը՝ Քանիե Ուեսթը, կատաղության են հասցրել հարեւաններին: Այս մասին, ինչպես տեղեկացնում Է «Արմենպրես»-ը, գրել Է The Inquisitr-ը:

Նոր առանձնատուն տեղափոխվելուց հետո, որը գտնվում Է Լոս Անջելեսի Բել Էյրի հեղինակավոր շրջանում, աստղային զույգն սկսել Է անհարմարություններ ստեղծել մերձակա տների բնակիչների համար: Վայրը զրկվել Է անդորրից, այնտեղ աղմուկ եւ իրարանցում Է տիրում: Քարդաշյանին մշտապես հսկում են տեսախցիկները, շրջանի փոքրիկ փողոցները «կայանատեղիի» են վերածվել «զանգվածային լրատվամիջոցների համար»:

«Դա միայն սկզբն Է, հետո ավելի վատ կլինի: Շրջակայքում ապրողներից շատերը դժգոհ են նոր հարեւաններից եւ ցանկանում են, որ նրանք հեռանան»,- մեջբերում Է պորտալը հարեւանների խոսքը:

Ավելի վաղ «Լենտա.ռու»-ն գրել Էր, որ աստղային զույգը 2013 թվականին Բել Էյրում առանձնատուն Է ձեռք բերել 11 միլիոն դոլարով: Նախ Քիմը եւ Քանիեն ցանկանում Էին վաճառել այդ անշարժ գույքը, բայց հետո ժամանակավորապես այնտեղ են տեղափոխվել ընտանիքի գլխավոր Քրիս Ջենների տնից: