1 րոպեի ընթերցում
ԵՐԵՎԱՆ, 1 ԱՊՐԻԼԻ, ԱՐՄԵՆՊՐԵՍ: Disney ընկերությունն աշխատում Է Ալծաղիկի՝ Սպիտակաձյունիկի քրոջ արկածների մասին, տեղեկացնում Է «Արմենպրես»-ը՝ հղում անելով The Hollywood Reporter-ին: Սցենարիստներն զգալիորեն վերամշակել են Գրիմմ եղբայրների հեքիաթի օրիգինալ սյուժեն:
Խոսքը վերաբերում Է ոչ թե «Սպիտակաձյունիկը եւ Ալծաղիկը» հեքիաթի Էկրանավորմանը, այլ «Սպիտակաձյունիկի եւ յոթ թզուկների» նոր տարբերակին: Օրիգինալ պատմության մեջ Ալծաղիկը չկա: Բայց Իվեն Դոգերթիի մտահղացմամբ, որը փոխադրել Է Ջասթին Մերցի սկզբնական սցենարը, Ալծաղիկը պետք Է քրոջը կյանքի վերադարձնի՝ թզուկների օգնությամբ գտնելով այն միջոցը, որը կարթնացնի բյուրեղապակե դագաղի մեջ քնած Սպիտակաձյունիկին:
Ռելիզի ամսաթիվը չի նշվում:
«Սպիտակաձյունիկը եւ յոթ թզուկները» մուլտֆիլմը թողարկվել Է 1937 թվականին:
Այն Ուոլթ Դիսնեյի ստուդիայի առաջին լիամետրաժ անիմացիոն ֆիլմն Էր եւ այսօրվա դրությամբ Սպիտակաձյունիկին նվիրված միակ դիսնեյյան կինոնկարն Է: