1 րոպեի ընթերցում
ԵՐԵՎԱՆ, 15 ՄԱՐՏԻ, ԱՐՄԵՆՊՐԵՍ: Ադրբեջանի նախագահ Իլհամ Ալիևը ժամանել է Անկարա: Ինչպես հաղորդում է «Արմենպրես»-ը, այս մասին տեղեկացնում է թուրքական «Անադոլու» գործակալությունը:
Օդանավակայանում Ալիևին դիմավորել է փոխվարչապետ Յալչըն Աքդողանը: Այստեղից Ադրբեջանի նախագահն անմիջապես գնացել է նախագահական նստավայր և հանդիպել Ռեջեփ Թայիփ Էրդողանին:
Անկարայում կկայանա Թուրքիա-Ադրբեջան բարձր մակարդակի ռազմավարական համագործակցության խորհրդի 5-րդ նիստը: Նախապես ծրագրավորված է նիստն անցկացնել Բաքվում, ուր Էրդողանը պետք է մեկներ մարտի 15-ին: Սակայն Անկարայում մարտի 13-ին իրականացված ահաբեկչությունը խափանել էր այդ ծրագրերը: