368.45
Ռուս հետախույզները Հայաստանում 100 կմ երթ են կատարել անօդաչուների հսկողությամբ
1 րոպեի ընթերցում
ԵՐԵՎԱՆ, 4 ՄԱՐՏԻ, ԱՐՄԵՆՊՐԵՍ: Հայաստանի ռուսական ռազմակայանի հետախուզական ստորաբաժանումները հատուկ-մարտավարական վարժանքների շրջանակներում 100 կիլոմետրանոց երթ են կատարել դեպի ճամբարային հավաքների անցկացման «Փամբակ» լեռնային զորավարժարան:
Ինչպես «Արմենպրես»-ին տեղեկացրել են ՌԴ Հարավային ռազմական օկրուգի մամուլի ծառայությունից, ավելի քան 50 միավոր անվավոր եւ թրթուրավոր ռազմական տեխնիկայից բաղկացած շարասյան երթն անցել Է ծովի մակերեւույթից 1,5 հազարից մինչեւ 2,5 հազար մետր բարձրությունների վրա՝ ժայռոտ լեռնային տեղանքի Էքստրեմալ պայմաններում: Տեղանքի դժվարանցանելի հատվածներում հետախույզներն իրականացրել են ավտոմեքենաներից դեսանտավորում եւ հետիոտն հաղթահարել են գրունտային ճանապարհների բարդ հատվածները:
Միավորման հետախուզական ստորաբաժանումների զորաշարժերի եւ երթի ընթացքն օդից հսկել են «Գրանտ», «Լեեր» եւ «Զաստավա» անօդաչու թռչող ապարատները, որոնց անձնակազմերն առաջ են շարժվել շարասյան հետ մեկտեղ:
Մեկ ամսա ընթացքում ռուսական ռազմակայանի ավելի քան 300 հետախույզներ «Փամբակ» լեռնային զորավարժարանում կանցնեն լեռնային, ալպինիստական եւ հատուկ պատրաստության դասընթացներ:
Բաժանորդագրվեք մեր ալիքին Telegram-ում