366.63
Թուրքիայի քրդամետ կուսակցության պատգամավորի դեմ հետաքննություն է սկսվել
1 րոպեի ընթերցում
ԵՐԵՎԱՆ, 23 ՓԵՏՐՎԱՐԻ, ԱՐՄԵՆՊՐԵՍ: Վանի դատախազությունը հետաքննություն է սկսել քրդամետ Ժողովուրդների դեմոկրատական կուսակցության՝ Վանից ընտրված պատգամավոր Թուղբա Հեզերի դեմ:
Ինչպես հաղորդում է «Արմենպրես»-ը՝ վկայակոչելով թուրքական «Անադոլու» գործակալությունը, պատգամավորը մեղադրվում է «ահաբեկչական խմբավորման օգտին քարոզչություն անելու մեջ»:
Մեղադրականում նշվում է, որ Անկարայի ահաբեկչությունից հետո քաղաքում կազմակերպված միջոցառման, ինչպես նաև Աբդուլլահ Օջալանի՝ Թուրքիա բերվելու տարեդարձին նվիրված քայլերթի ժամանակ Հեզերն ահաբեկչական կազմակերպության, այսինքն՝ Քրդական բանվորական կուսակցության (PKK) քարոզչությունն է արել: Պատգամավորի նկատմամբ ներկայացվել է միանգամից երկու մեղադրանք, և դրանց ապացուցման պարագայում նա կարող է զրկվել պատգամավորական անձեռնմխելիությունից:
Հետաքննության արդյունքներով կազմված եզրակացությունը կուղարկվի Արդարադատության նախարարություն:
Բաժանորդագրվեք մեր ալիքին Telegram-ում