Հասարակական

Սոցցանցերը ակտիվորեն օգտագործվում են որպես տեղեկատվության աղբյուր. Սամվել Մարտիրոսյան

2 րոպեի ընթերցում

ԵՐԵՎԱՆ, 16 ՓԵՏՐՎԱՐԻ,ԱՐՄԵՆՊՐԵՍ:Լրատվամիջոցների համար այսօր սոցիալական ցանցերը տեղեկատվության աղբյուր են. մասնավորապես «Ֆեյսբուքը» բերում է յուրահատուկ որակ: Ինչպես հաղորդում է «Արմենպրես»-ը, այս մասին լրագրողների հետ հանդիպմանը նշել է տեղեկատվական անվտանգության փորձագետ Սամվել Մարտիրոսյանը:

«Մեր օրերում շատ քչերն են ուշադրություն դարձնում մամուլի հաղորդագրություններին, մարդիկ նախընտրում են սոցցանցերը: Սոցցանցերը լավագուն միջոցը կարող են լինել և կապեր հաստատել նաև արտերկրի հետ: Քաղաքացիական՝ բլոգերային լրագրությանը զուգահեռ առաջ եկան սոցցանցերի հետ աշխատող խմբագիրներ: Մեզ մոտ այդ էվոլյուցիան բավականին, յուրահատուկ ձևով զարգացավ »,- ասաց տեղեկատվական անվտանգության փորձագետը:

Ըստ փորձագետի, սոցցանցերը շատ ակտիվ օգտագործվում են որպես տեղեկատվության աղբյուր, բայց թույլ է աղբյուրների հավաստիության ստուգումը: Դրա հետևանքով շատ հաճախ ապատեղեկատվությունը ներթափանցում է տեղեկատվական դաշտ, որովհետև հիմնական խնդիրը մեզ մոտ ոչ թե նյութի աղբյուրի ստուգումն է, այլ նյութ գտնելը: Նրա խոսքով՝ լրատվամիջոցները չեն ստուգում աղբյուրը, այդ պատճառով էլ կարելի է շատ հեշտ ապատեղեկատվություն տարածել, ինչը բավական հաճախ կարելի է տեսնել: Տեղեկատվությունը պետք է լրագրողի կողմից մշակվի: Ըստ նրա հայկական մեդիան աշխատում է տեղեկատվոությունը տարածել ներքին լսարանի համար և շատ քիչ է աշխատում արտերկրի լսարանի ուղղությամբ:

«Կոնֆլիկտային իրավիճակներում մարդիկ թվիթերն օգտագործում են որպես ամենաօպերատիվ տեղեկատվության աղբյուր: Այդտեղ ներկայացված են պետական- քաղաքական կառույցները, ղեկավար այրերը: Կարելի է գտնել ականատեսների, և, ամենակարևորը, այնտեղ կարելի է գտնել բաց փնտրողական համակարգ, այդ պատճառով լրագրողները թվիթերը օգտագործում են որպես գործիք»- ասաց Սամվել Մարտիրոսյանը:

Ըստ նրա, Արևմուտքում հստակ տարբերակում կա դեղին մամուլի և լուրջ լրատվական կայքի միջև, իսկ Հայաստանում զատումը բավական դժվար է:

Հայերեն

Գավառի համայնքապետարանի ենթակայությամբ գործող թվով 10 հաստատությունների շենքերի տանիքներին տեղադրվել են արևային ֆոտովոլտային համակարգեր

Երևանը ստացել է խաղաղության պայմանագրի վերաբերյալ Ադրբեջանի պատասխանը. ԱԳՆ

Լիտվան հայտարարել է Եվրոպայում ամերիկյան կոնտինգենտին փոխարինելու ԵՄ անկարողության մասին

ՄԱԿ մարդու իրավունքների բարձր հանձնակատարի հետ հանդիպմանը ԱԳ նախարարը բարձրաձայնել է Ադրբեջանում ապօրինաբար պահվող հայ ռազմագերիների և քաղաքացիական անձանց հարցը

Կասկադում սկսվում է նոր դարաշրջան․ այն ավարտուն տեսք կունենա

Ուիթքոֆը հետաձգել է այցը Մերձավոր Արևելք

Մեծ Բրիտանիան կավելացնի ռազմական ծախսերը՝ հրաժարվելով այլ երկրներին տրամադրվող օգնությունից

ԱՄՆ պետքարտուղարն անլուրջ է անվանել Ուկրաինային միջուկային զենք տրամադրելու Զելենսկու կոչը

ԱՀԿ-ն հայտարարել է եվրոպական առողջապահական համակարգում լճացման մասին

Ուզբեկստանում Հաղթանակի 80-ամյակի պատվին հուշամեդալ է սահմանվել