Կարլ Լագերֆելդն զգեստներ կկարի օպերայի երգիչների համար

ԵՐԵՎԱՆ, 10 ՓԵՏՐՎԱՐԻ, ԱՐՄԵՆՊՐԵՍ: Ֆրանսիայի Chanel նորաձեւության տան ստեղծագործական տնօրեն Կարլ Լագերֆելդը զգեստներ կկարի օպերային երգիչների համար: Ինչպես հաղորդում Է «Արմենպրես»-ը՝ հղում անելով WWD-ին, դիզայները կոստյումներ կստեղծի Փարիզի Բաստիլի օպերայի Brahms-SchՓnberg Quartet ներկայացման համար:

Լագերֆելդը խոստացել Է զգեստների դիզայնը կատարել Վիեննական սեցեսիոնի ոգով: Իր ծրագրի այլ մանրամասներ նա առայժմ չի հայտնել: Առաջնախաղը նախատեսված Է հուլիսի սկզբին:

Կարլ Լագերֆելդը գերմանացի մոդելագործ եւ լուսանկարիչ Է: 1974 թվականին հիմնել Է Karl Lagerfeld Impression սեփական առեւտրանիշը, համագործակցել Է Chloռ, Krizia, Charles Jourdan եւ Fendi ապրանքանիշերի հետ, 1983 թվականին դարձել Է Ֆրանսիայի Chanel նորաձեւության տան ստեղծագործական տնօրենը: