Anonymous-ի հաքերները կիբեռպատերազմ են հայտարարել Թուրքիային
1 րոպեի ընթերցում
![Anonymous-ի հաքերները կիբեռպատերազմ են հայտարարել Թուրքիային](http://armenpress.am/resized/480/static/news/b/2015/12/830546.jpg)
ԵՐԵՎԱՆ, 23 ԴԵԿՏԵՄԲԵՐԻ, ԱՐՄԵՆՊՐԵՍ: Anonymous խմբից հաքերները հայտարարել են Թուրքիայի կառավարության դեմ լայնամասշտաբ արշավ սկսելու մասին՝ նրան մեղադրելով «Իսլամական պետություն» ահաբեկչական խմբավորմանն աջակցելու մեջ, տեղեկացնում է «Արմենպրես»-ը՝ հղում անելով Sputnik գործակալությանը:
YouTube կայքում Anonymous-ին պատկանող ալիքում զետեղված տեսաուղերձում հաքերները հայտարարել են, որ «Թուրքիան աջակցում է ԻՊ-ին՝ խմբավորումից գնելով նավթ եւ հոսպիտալացնելով նրա զինյալներին»: «Մենք չենք հանդուրժի, որ Էրդողանը շարունակի օգնել ԻՊ-ին»,- ասված է ուղերձում: