1 րոպեի ընթերցում
ԵՐԵՎԱՆ, 11 ՆՈՅԵՄԲԵՐԻ, ԱՐՄԵՆՊՐԵՍ: Քենդալ Ջենները՝ ամերիկացի հեռուստաաստղ Քիմ Քարդաշյանի քույրը, առաջին անգամ հանդես Է եկել Victoria's Secret մակնիշի նորաձեւության ցուցադրությանը, որը տեղի Է ունեցել նոյեմբերի 10-ին՝ Նյու Յորքում, տեղեկացնում Է «Արմենպրես»-ը՝ հղում անելով Hollywood Life-ին:
20-ամյա մոդելը, որն ավելի վաղ մասնակցել Է այնպիսի ֆեշն-բրենդների ցուցադրություններին, ինչպիսիք են Marc Jacobs-ը, Chanel-ը եւ Givenchy-ն, հարթակին հայտնվել Է մարգարիտներով ասեղնագործված բաց երկնագույն կորսետով: Ինչպես նշում Է հրատարակությունը, Victoria's Secret բրենդի ներկայացուցիչներն ամենամյա ֆեշն-ցուցադրությանը մասնակցելու հրավերը որպես նվեր են մատուցել Ջենների ծննդյան օրվա կապակցությամբ, որը նշվել Է նոյեմբերի 3-ին: Hollywood Life-ը չի հաղորդում, թե մոդելն արդյոք շարունակելու Է համագործակցել բրենդի հետ:
Ցուցադրությանը մասնակցել են հարթակի այնպիսի աստղեր, ինչպիսիք են Բեհաթի Փրինսլուն, Ադրիանա Լիման, Քենդիս Սվեյնփոլը եւ Քենդալի ընկերուհին՝ Ջիջի Հադիդը:
Մոդելի կարիերան Քենդալ Ջեններն սկսել Է 2010 թվականին, երբ նա պարտավորագիր ստորագրեց Wilhelmina Models հայտնի գործակալության հետ: