396.71
Դամասկոսում կկայանա «Կոմիտաս նահատակ հանճարը» երաժշտական երեկոն
1 րոպեի ընթերցում
ԵՐԵՎԱՆ, 28 ՀՈԿՏԵՄԲԵՐԻ, ԱՐՄԵՆՊՐԵՍ: Սիրիայի մշակույթի նախարարության հովանավորությամբ և Դամասկոսի հայոց թեմի առաջնորդարանի համագործակցությամբ Դամասկոսում հոկտեմբերի 29-ին տեղի կունենա «Կոմիտաս նահատակ հանճարը» երաժշտական երեկոն:
Այս մասին «Արմենպրես»-ը տեղեկացավ Դամասկոսի Սուրբ Սարգիս եկեղեցու ֆեյսբուքյան էջից: Միջոցառումը կկայանա Սիրիայի ազգային սիմֆոնիկ նվագախմբի և Դամասկոսի երաժշտական սենեկային երգչախմբի մասնակացությամբ:
Միջոցառումը տեղի կունենա «Դար ալ Ասադ»օպերայի «Դրամա» սրահում:
Աղբյուրի տեղեկացմամբ, Դամասկոսի Սուրբ Սարգիս եկեղեցում տեղի է ունեցել սուրբ մյուռոնով ջրօրհնեքի արարողություն: Արարողությունը կայացել է Դամասկոսի հայոց թեմի առաջնորդ Գերշ. Տեր Արմաշ եպս. Նալբանդյանի գլխավորությամբ:
Բաժանորդագրվեք մեր ալիքին Telegram-ում