Ֆրանսիացի և իտալացի հացթուխները պատրաստել են աշխարհի ամենաերկար բագետը
1 րոպեի ընթերցում
![Ֆրանսիացի և իտալացի հացթուխները պատրաստել են աշխարհի ամենաերկար բագետը](http://armenpress.am/resized/480/static/news/b/2015/10/822673.jpg)
ԵՐԵՎԱՆ, 19 ՀՈԿՏԵՄԲԵՐԻ, ԱՐՄԵՆՊՐԵՍ: Ֆրանսիացի և իտալացի հացթուխները պատրաստել են աշխարհում ամենաերկար բագետը` հացաբուլկեղենը: Ցուցանիշը գրանցվել է Գինեսի ռեկորդների գրքում: Ինչպես հաղորդում է«Արմենպրես»-ը, վկայակոչելովgazeta.ru կայքը, հացաբուլկեղենային արտադրանքի երկարությունը կազմել է 122 մ, որի պատրաստման վրա աշխատել են շուրջ 60 մասնագետներ: Միլանում տեղի ունեցած «Էքսպո 2015» համաշխարհային ցուցահանդեսի շրջանակներում բագետի պատրաստման համար պահանջվել է յոթ ժամ:
Հացթուխներից մեկի խոսքով` բագետի պատրաստման ժամանակ դժվարություններ են ի հայտ եկել կապված այն բանի հետ, որ նրանք աշխատել են փողոցում` ցուրտ եղանակին:
Ռեկորդի գրանցվելուց հետո բագետը կտրատվել և բաժանվել է հարյուրավոր այցելուների:
Բագետի նախորդ ռեկորդային ցուցանիշը եղել է 111 մետր: