1 րոպեի ընթերցում
ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Ամերիկացի գիտնականներն ստացել են Պլուտոնի վրա մայրամուտի բացառիկ հստակ լուսանկարը New Horizons ավտոմատ կայանից, տեղեկացնում Է «Արմենպրես»-ը:
Լուսանկարն արվել Է հուլիսի 14-ին այն բանից 15 րոպե անց, երբ կայանն անցել Է մոլորակի հետ առավել մերձեցման կետը: Դրանից հետո խցիկը շրջվել Է հետ եւ լուսանկարել Պլուտոնի մակերեւույթի՝ Արեգակի կողմից լուսավորված հատվածը՝ 1250 կիլոմետր երկարությամբ: Լուսանկարում երեւում են նաեւ լիցքաթափվող մթնոլորտի հետքերը:
«Այս նկարը հնարավորություն Է ընձեռում քեզ զգալու դիտորդ, որը գտնվում Է Պլուտոնի մակերեւույթի վերեւում,- նշել Է մոլորակագետների խմբի ղեկավարներից մեկը՝ Ալան Սթեռնը:- Պատկերի վերլուծությունը վիթխարի քանակությամբ գիտական տվյալներ Է տալիս մոլորակի եւ դրա մթնոլորտի, լեռների, սառցադաշտերի եւ սարավանդների մասին»:
Լուսանկարը` NASA