1 րոպեի ընթերցում
ԵՐԵՎԱՆ, 8 ՍԵՊՏԵՄԲԵՐԻ, ԱՐՄԵՆՊՐԵՍ: IFA-2015 ցուցահանդեսում Haier ընկերության ներկայացրած լվացքի երկբաք մեքենան պարգեւ Է ստացել սպիտակեղենի լվացման բնագավառում տեխնիկական նորաստեղծությունների համար: Այս մասին, ինչպես տեղեկացնում Է «Արմենպրես»-ը, հաղորդվում Է Haier-ի թողարկած մամուլի տեղեկագրում:
Սարքի կառուցվածքը թույլ Է տալիս սպիտակեղենը բեռնել միանգամից երկու թմբկագլաններում, ընդ որում յուրաքանչյուրի համար կարելի Է առաջադրել լվածքի իր ծրագիրը: Այսպիսով, կարելի Է միաժամանակ լվանալ սպիտակ եւ գունավոր իրեր. բամբակ եւ բուրդ: Վերին թմկագլանի բեռնվածքը 4 կիլոգրամ Է, ստորինինը՝ 8 կիլոգրամ: Մեքենայի գաբարիտներն են 128 x 60 x 60 սանտիմետր:
Haier-ի մեքենան կարելի Է կառավարել ինչպես սենսորային վահանակով, այնպես Էլ սմարթֆոնով կամ պլանշետով:
Տեխնիկական նորաստեղծությունների համար պարգեւը շնորհվում Է ինը կատեգորիաներում, այն սահմանել են IDG ընկերությունը եւ Գերմանիայի առեւտրա-արդյունաբերական պալատների ասոցիացիան: IFA-ի ցուցահանդեսը տեղի Է ունենում սեպտեմբերի 4-ից մինչեւ 9-ը Բեռլինում: