Ճապոնացի գիտնականը «նեոնային» լապշա Է ստեղծել
1 րոպեի ընթերցում
![Ճապոնացի գիտնականը «նեոնային» լապշա Է ստեղծել](http://armenpress.am/resized/480/static/news/b/2015/08/816574.jpg)
ԵՐԵՎԱՆ, 27 ՕԳՈՍՏՈՍԻ, ԱՐՄԵՆՊՐԵՍ: Ճապոնացի գիտնականը, որն իրեն Կուրարե Է կոչում, ֆլուորեսցենտային գույներով Է ներկել ամենահանրաճանաչ կերակրատեսակներից մեկը՝ ուդոն լապշան, հաղորդում Է «Արմենպրես»-ը՝ հղում անելով The Metro-ին:
Լուսանկարներից մեկում վառ վարդագույն լապշան լողում Է կանաչ արգանակի մեջ, իսկ վրան ընկած Է տոֆուի երկու երկնագույն կտոր: Կերակուրը պատրաստված Է եւս մի քանի գույներով՝ կապույտ եւ մանուշակագույն:
Նրա խոսքով՝ գունավոր լապշան ոչնչով չի տարբերվում սովորականից: «Դա ցորենի ճապոնական ավանդական լապշա Է»,- ճշտել Է նա: Կուրարեն հավելել Է, որ պատրաստել Է եւս մի քանի «նեոնային» մթերքներ՝ կրեմ, կարրի սոուս եւ սակե:
Նեոնային լապշան եւ մյուս մթերքները կներկայացվեն «Գիտության անհավանական փառատոնին» (Unbelievable Science Festival), որը շաբաթվա վերջին տեղի կունենա Օսակայում:
Կուրարեի անձի մասին գրեթե ոչինչ հայտնի չԷ: Մասնագետը չի հայտնում իր իսկական անունը, դեմքը թաքցնում Է դիմակով եւ սպիտակ խալաթ Է հագնում:
Լուսանկարը`@reraku