Apple-ը iPhone 6 Plus սմարթֆոնների խմբաքանակ Է հետ կանչում խցիկի անսարքությունների պատճառով

ԵՐԵՎԱՆ, 24 ՕԳՈՍՏՈՍԻ, ԱՐՄԵՆՊՐԵՍ: Apple ամերիկյան ընկերությունը հայտարարել Է iPhone 6 Plus սմարթֆոնների խոտանված խմբաքանակի հետկանչման մասին՝ հետին խցիկի աշխատանքում հայտնաբերված անսարքությունների պատճառով: Այս մասին, ինչպես տեղեկացնում Է «Արմենպրես»-ը, հաղորդել Է CNN հեռուստաալիքը:

Հետկանչումը վերաբերում Է հիմնականում այն սմարթֆոններին, որոնք վաճառվել են 2014 թվականի սեպտեմբերից, երբ iPhone 6 Plus-ը հանվել Է վաճառքի, մինչեւ ընթացիկ տարվա հունվարն ընկած ժամանակամիջոցում: Ինչպես հայտարարում են ընկերությունում, խցիկի աշխատանում ի հայտ եկած թերությունը հանգեցնում Է այն բանին, որ սմարթֆոնով արված լուսանկարները հստակ չեն երեւում:

Ընկերությունում խոստացել են, որ բոլոր անսարքությունները կվերացվեն անվճար, հաղորդել Է ՏԱՍՍ-ը: