Երաժշտությունը վիրահատությունների ժամանակ ուժեղացնում Է ցավազերծումը. գիտնականներ
1 րոպեի ընթերցում
![Երաժշտությունը վիրահատությունների ժամանակ ուժեղացնում Է ցավազերծումը. գիտնականներ](http://armenpress.am/resized/480/static/news/b/2015/08/815233.jpg)
ԵՐԵՎԱՆ, 13 ՕԳՈՍՏՈՍԻ, ԱՐՄԵՆՊՐԵՍ: Լոնդոնի Մարիա թագուհու համալսարանի մի խումբ հետազոտողներ հանգել են այն եզրակացության, որ երաժշտությունը հիանալի Է աշխատում որպես հիվանդանոցների հիվանդների համար ընդհանուր անզգայացման լրացում՝ վերացնելով նրանց ցավը:
Բացի այդ, ճիշտ ընտրված մեղեդիները կարող են նվազեցնել հոսպիտալացված մարդկանց անհանգստությունը, տեղեկացնում Է «Արմենպրես»-ը՝ հղում անելով BBC-ին:
Ինչպես նշում են գիտնականները, երաժշտությունն օգնում Է, քանի որ ցավը միաժամանակ ֆիզիկական եւ հոգեբանական զգացողություն Է:
Մասնագետներն առաջարկում են այն հիվանդներին, որոնց վիրաբուժական միջամտություն Է սպասվում, թույլատրել հետները բերել իրենց երաժշտական նվագարկիչները կամ հիվանդի հարազատներին թույլ տալ անել դա:
Մինչդեռ մեկ այլ հետազոտություն, որը հրապարակվել Է օգոստոսի սկզբին, պնդում Է, որ երաժշտությունը կարող Է շեղել վիրահատարաններում աշխատող անձնակազմին: