1 րոպեի ընթերցում
ԵՐԵՎԱՆ, 11 ՕԳՈՍՏՈՍԻ, ԱՐՄԵՆՊՐԵՍ: Թուրքիայի հարավ-արևելյան Շըրնաք նահանգում թուրքական իրավապահ մարմինների և երկրում ահաբեկչական համարվող Քրդական բանվորական կուսակցության (PKK) միջև բախումները շարունակվում են: Ինչպես հաղորդում է «Արմենպրես»-ը՝ վկայակոչելով թուրքական «Միլլիեթ» պարբերականը, Թուրքիայի զինված ուժերի գլխավոր շտաբը հայտարարել է ևս մեկ թուրք զինվորի մահվան մասին:
PKK-ի մի խումբ զինյալների կողմից արձակած կրակոցների հետևանքով զինվորը վիրավորվել է և տարվել հիվանդանոց, որտեղ, սակայն, նրա կյանքը փրկել չի հաջողվել: