1 րոպեի ընթերցում
ԵՐԵՎԱՆ, 29 ՀՈՒԼԻՍԻ, ԱՐՄԵՆՊՐԵՍ: Գիտնականները նախազգուշացրել են մարտական տեխիկա եւ սպառազինության նորագույն համակարգեր ստեղծելիս արհեստական ինտելեկտի օգտագործման վտանգի մասին: Ավելի քան հազար ինժեներներ եւ հետազոտողներ են ստորագրել այդ մասին բաց նամակը, հուլիսի 29-ին հաղորդել Է BBC-ն, տեղեկացնում Է«Արմենպրես»-ը:
«Եթե որեւԷ խոշոր ռազմական տերություն ձգտի առաջ արհեստական ինտելեկտով զենքի զարգացման հարցում, ապա սպառազինությունների գլոբալ մրցավազքն անխուսափելի Է: Այդ տեխնոլոգիական հետագծի վերջնական կետն ակնհայտ Է. ավտոնոմ զենքը կդառնա վաղվա «Կալաշնիկովը»,- նշված Է փաստաթղթում:
Նամակի հեղինակները կոչ են անում հրաժարվելու արհեստական ինտելեկտից մարտական տեխիկա ստեղծելիս: Նրանք նախազգուշացնում են, որ նման սպառազինությունների մրցավազքը կհանգեցնի անկանխատեսելի հետեւանքների:
Ուղերձն ստորագրողների թվում են հայտնի ֆիզիկոս եւ տիեզերաբան Սթիվեն Հոքինգը, ձեռնարկիչ Էլոն Մասքը եւ Apple ընկերության հիմնադիրներից մեկը՝ Սթիվ Վոզնյակը: Փաստաթուղթը պլանավորվում Է հանձնել Բուենոս Այրեսում արհեստական ինտելեկտին նվիրված միջազգային խորհրդաժողովի պատվիրակներին: